Կորոնավիրուսային ինֆեկցիայի դեմ ռնգախոռոչային պատվաստանյութը կգրանցեն առաջիկա օրերին
Կորոնավիրուսային ինֆեկցիայի դեմ ռնգախոռոչային պատվաստանյութի գրանցումն սպասվում է առաջիկա օրերին, պատրաստուկի անվտանգությունն ու արդյունավետությունը հաստատված է: Այդ մասին հայտարարել է Ռուսաստանի առողջապահության նախարար Միխայիլ Մուրաշկոն:
«Ես կարծում եմ՝ առաջիկա օրերին»,- պատասխանելով ՌԻԱ Նովոստիի հարցին, ասել է Մուրաշկոն:
Նա նշել է, որ պատվաստանյութը գնահատում են փորձագետները, դրա անվտանգությունն ու արդյունավետությունը հաստատված է: Գրանցումից հետո այն կհավելվի պատվաստման մեթոդական հանձնարարականներին, ճշտել է նախարարը:
