ՌԴ-ի դեմ կիրառված պատժամիջոցների ազդեցությունը ՀՀ տնտեսության վրա կարտահայտվի տնտեսական աճի տեմպերի զգալի դանդաղմամբ. ԿԲ նախագահ
Կենտրոնական Բանկի նախագահ Մարտին Գալստյանը հրավիրված ասուլիսում արձանագրեց՝ արտաքին հատվածում ռուս-ուկրաինական ռազմաքաղաքական հակամարտության պայմաններում ՌԴ տնտեսության նկատմամբ կիրառվել են տարբեր պատժամիջոցներ, որոնց հետևանքով դիտարկվել է ֆինանսական շուկաների տատանողականության և տնտեսական հեռանկարների հետ կապված անորոշության էական ավելացում:
«Արդյունքում՝ արտաքին հատվածից ՀՀ տնտեսության վրա ակնկալվում է հիմնականում գնաճային ազդեցություն:
Ռուսաստանի դեմ կիրառված պատժամիջոցների ազդեցությունը ՀՀ տնտեսության վրա կարտահայտվի տնտեսական աճի տեմպերի զգալի դանդաղմամբ: Սա առավելապես տեղի կունենա արդյունավետության ճյուղի անկման հաշվին»,- հավելեց ԿԲ նախագահը:
