Ժամանակակից սեր. դպրոցում ծանոթացել ենք, համալսարանում՝ սիրահարվել
Ասում են՝ դպրոցական սերը չի մոռացվում: 168.am-ի՝ «Ժամանակակից սեր» շարքի այսօրվա հերոսները, որոնք ծանոթացել են դպրոցում, չեն մոռանում իրենց համալսարանական սերը, որն իրենց կապել է ամուսնությամբ և ծնող դարձրել:
«Նույն դպրոցում էինք սովորում, ծանոթ էինք, բայց ոչ մտերիմ: Համալսարանում ընկերացանք, ընդհանուր նախագծերի շուրջ էինք աշխատում: Բոլորը գիտեին, որ այսօր արդեն ամուսինս սիրահարված է ինձ, ես ոչինչ չէի նկատում, միայն դասերի շուրջ էր միտքս աշխատում: Որոշ ժամանակ անց խոստովանեց, սկզբում զարմացա, հետո հասկացա՝ ես էլ անտարբեր չեմ իր նկատմամբ:
Արդեն 7 տարի է՝ ամուսնացած ենք, ծնողներ ենք և երջանիկ»:
Շարքի հեղինակ՝ Անի Գաբուզյան
