ԽՕՆ-ի մարտանավերը վարժանքներ կանցկացնեն Ճապոնական և Օխոտի ծովերում
Խաղաղօվկիանոսյան նավատորմի (ԽՕՆ) մոտավորապես 20 նավ պլանային ռազմածովային վարժանքներ կանցկացնեն Ճապոնական եւ Օխոտի ծովերում: Այդ մասին հաղորդում է ԽՕՆ-ի մամուլի ծառայությունը:
«Զորավարժություններին կմասնակցեն հետախուզական ռազմանավեր, «Մարշալ Շապոշնիկով» ֆրեգատը, «Ծովակալ Պանտելեեւ» մեծ հակասուզանավային նավը եւ «Մարշալ Կրիլով» կառավարման նավը»,-ասվում է հաղորդագրության մեջ:
Նաեւ վարժանքներին կմասնակցեն փոքր հրթիռային եւ հակասուզանավային նավեր, ականորս նավեր եւ հրթիռային կատերներ: Նրանք կկատարելագործեն համատեղ զորաշարժերի եղանակները, ծովային օդուժի հետ փոխգործակցության կարգը, ջոկատի հակաօդային պաշտպանության կազմակերպումը:
Զորավարժությունների վերջում նավերի հրետանային կայանքներից հրաձգություններ կանցկացվեն ծովային թիրախների եւ զենիթահրթիռային համալիրներով՝ թիրախ-հրթիռների ուղղությամբ: Բացի այդ, զորավարժությունների ժամանակ կկատարվեն ծովային հաղորդակցությունների եւ այն շրջանների անվտանգության ապահովման առաջադրանքներ, որտեղ ընթանում են առեւտրական նավերը: Վարժանքները կանցկացվեն ռազմածովային նավատորմի գլխավոր հրամանատար ծովակալ Նիկոլայ Եվմենովի ղեկավարությամբ, հաղորդել է «Ինտերֆաքս»-ը:
