Ո՞ւմ անուններն են շրջանառվում Արմավիրի մարզպետի պաշտոնում
Այսօր Արմավիրի արդեն նախկին մարզպետ Համբարձում Մաթևոսյանը նշանակվեց ՀՀ փոխվարչապետ՝ պաշտպանության նախարար դարձած Սուրեն Պապիկյանի փոխարեն:
168.am-ի տեղեկություններով՝ Արմավիրի մարզպետի պաշտոնին հավակնում են Պետական եկամուտների կոմիտեի (ՊԵԿ) նախկին նախագահ Էդվարդ Հովհաննիսյանը, ով ծնունդով Արմավիրի մարզից է, և գործող քաղաքապետ Դավիթ Խուդաթյանը, ով Տեղական ինքնակառավարման մարմինների (ՏԻՄ) դեկտեմբերի 5-ին Արմավիր համայնքում կայանալիք ընտրություններում գլխավորում է «Քաղաքացիական պայմանագիր» կուսակցության ցուցակը:
