ՔՊ-ն չի մասնակցում «Սահմանագծման և սահմանազատման հիմնախնդիրներ» թեմայով ԱԺ լսումներին
Խորհրդարանում ընթանում է «Հայաստան» խմբակցության ներկայացրած «Սահմանագծման և սահմանազատման հիմնախնդիրներ» թեմայով ԱԺ հայտարարության նախագծի վերաբերյալ խորհրդարանական լսումներ։
Լսումներին մասնակցում են հասարակական և քաղաքական գործիչներ: ԱԺ փոխնախագահ Իշխան Սաղաթելյանը տեղեկացրեց, որ լսումներին հրավիրել են նաև խորհրդարանական մեծամասնություն կազմող՝ «Քաղաքացիական պայմանագիր» խմբակցությանը։ Սակայն իշխանական խմբակցությունը լսումներին ներկա չէր, և ընդհանրապես ներկա չէր իշխանության որևէ ներկայացուցիչ։
