«Դիլիջան» ազգային պարկում հրդեհ է բռնկվել
Տավուշի մարզային ճգնաժամային կառավարման կենտրոն նոյեմբերի 24-ին ժամը 11:01-ին տեղեկություն է ստացվել, որ հրդեհ է բռնկվել «Դիլիջան ազգային պարկ» ՊՈԱԿ-ի տարածքում․այրվում է խոտածածկ տարածք: ՀՀ ԱԻՆ-ը տեղեկացնում է, որ դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խմբերը և հրշեջ-փրկարարական ջոկատից մեկ մարտական հաշվարկ: Ըստ նախնական տվյալների՝ այրվում է 5-6 հա խոտածածկույթ։
Հրդեհաշիջման աշխատանքներին մասնակցում են 11 հրշեջ-փրկարար, «Դիլիջան ազգային պարկ» ՊՈԱԿ-ի 10 աշխատակից և Գոշ գյուղի 3 բնակիչ:
