«Վստահ եմ, որ նման հանդիպում տեղի կունենա». Լավրովը նշել է ՌԴ-ի, Հայաստանի և Ադրբեջանի միջև եռակողմ հանդիպման անհրաժեշտ պայմանը
ՌԴ ԱԳ նախարար Սերգեյ Լավրովը վստահություն է հայտնել, որ Ռուսաստանի, Հայաստանի և Ադրբեջանի ղեկավարների հանդիպումը կայանալու է, սակայն դրա համար անհրաժեշտ է կողմերի համաձայնությունը:
«Դուք ասացիք, որ ըստ Կրեմլի մեկնաբանության՝ առաջիկա հնարավոր եռակողմ հանդիպման համար կոնսենսուս է անհրաժեշտ: Կարող եմ հաստատել, որ որպեսզի կոնսենսուս լինի, անհրաժեշտ է, որ բոլոր նրանք, ովքեր պատրաստվում են հանդիպել համաձայնեն դրան: Վստահ եմ, որ նման հանդիպում տեղի կունենա»,- «ՌԻԱ Նովոստի»-ի փոխանցմամբ՝ նախարարն ասել է ուրբաթ կայացած ասուլիսում:
Հիշեցնենք, որ ավելի վաղ եռակողմ հանդիպման անցկացման մասին խոսել էր ՌԴ նախագահի մամուլի քարտուղար Դմիտրի Պեսկովը՝ հայտնելով, որ հանդիպման անցկացման համար անհրաժեշտ է բոլոր կողմերի համաձայնությունը:
