Բայդենը հրամանագիր է ստորագրել
ԱՄՆ-ի նախագահ Ջո Բայդենը Նիկարագուայի կառավարության ներկայացուցիչներին արգելել է մուտք գործել Միացյալ Նահանգներ՝ որպես միջոց լատինամերիկյան այս պետությունում մարդու իրավունքների եւ ժողովրդավարության ճնշման պատճառով։
Բայդենի համապատասխան հրամանագրում նշվում է, որ ի շահ ԱՄՆ-ի երկրում կսահմանափակվի եւ կկասեցվի որպես միգրանտներ եւ ոչ միգրանտներ նախագահ Դանիել Օրտեգայի գլխավորությամբ Նիկարագուայի կառավարության անդամների, ներառյալ նախագահի կնոջ եւ փոխնախագահ Ռոսարիո Մուրիլիոյի մուտքը: Բացի այդ, փաստաթուղթը նույնպիսի պատժամիջոցներ է սահմանում նրանց նկատմամբ, «ովքեր ձեւակերպում, իրականացնում եւ շահ են ստանում այն քաղաքականությունից եւ գործողություններից, որոնք վնաս են հասցնում ժողովրդավարական ինստիտուներին եւ խոչընդոտում են Նիկարագուայի վերադարձին ժողովրդավարությանը»:
Նշվում է, որ արգելքը տարածվում է Օրտեգայի կառավարության բոլոր անդամների եւ ընտրված մյուս պաշտոնատար անձանց, ներառյալ քաղաքապետերի, ինչպես նաեւ այն անձանց կանանց ու երեխաների վրա, ում արգելել են մուտք գործել:
Այս քայլը ձեռնարկվել է այն բանից հետո, երբ Նիկարագումայում նախագահական ընտրություններում հաղթանակ տարավ գործող ղեկավար Դանիել Օրտեգան: Նա իշխանությունում է գտնվում 14 տարի:
Բայդենն ընտրություններից անմիջապես հետո հայտարարել է, որ Նիկարագուայում ընտրությունները չեն եղել ո՛չ ազատ, ո՛չ արդարացի, ո՛չ ժողովրդավարական: Նիկարագումայում նախագահի ընտրություններն ու խորհրդարանի ընտրություններն անցկացվել են նոյեմբերի 7-ին: Նախագահ Դանիել Օրտեգան վերընտրման է հասել չորրորդ ժամկետն անընդմեջ, հաղորդել է «Ինտերֆաքս»-ը:
