Վարշավայում հայտարարել են, որ Լեհաստանի և Բելառուսի միջև զենքի կիրառմամբ պատերազմ չի լինի
Լեհաստանում կառավարող՝ «Օրենք եւ Արդարություն» կուսակցության առաջնորդ փոխվարչապետ Յարոսլավ Կաչինսկին կարծում է, որ Բելառուսի դեմ պատերազմ, ամենայն հավանականությամբ, չի լինի: Այդ մասին նա հայտարարել է Լեհաստանի ռադիոյին տված հարցազրույցում՝ մեկնաբանելով լեհ-բելառուսական սահմանի ճգնաժամը:
«Մենք արդեն հիբրիդային պատերազմի մեջ ենք, բայց զենքի կիրառմամբ պատերազմ առայժմ, ավելի շուտ, հորիզոնում չկա: Ես գործածում եմ «ավելի շուտ» բառերը, որովհետեւ մենք գործ ունենք անկանխատեսելի հակառակորդի հետ»,- ասել է նա, հաղորդել է ՏԱՍՍ-ը:
