Խորհրդարանական խմբակցությունները բոյկոտեցին ԱԺ նիստը
ԱԺ «Հայաստան» և «Պատիվ ունեմ» խմբակցություններն այսօր բոյկոտեցին ԱԺ հերթական քառօրյան և հայտարարեցին, որ չեն պատարստվում մասնակցել սնդիկի կամ բյուջեի մասին քննարկումներին այն դեպքում, երբ ՀՀ սահմանին իրավիճակը շարունակում է մնալ լարված և կան հարցեր, որոնց պատասխանները չեն ստացել:
Այս հայտարարությունն անելուց հետո, երկու ընդդիմադիր խմբակցությունները լքեցին ԱԺ նիստերի դահլիճը և լրագրողներին էլ տեղեկացրեցին, որ ժամը 11:00-ին հրավիրում են հրատապ ասուլիս:
Հիշեցնենք, որ երեկ ընդդիմադիր խմբակցությունները պահանջել էին արտահերթ նիստ հրավիրել, որտեղ ներկա պետք է լիներ Նիկոլ Փաշինյանը և պատասխաներ սահմանի վերաբերյալ իրենց բոլոր հարցերին, սակայն ԱԺ նախագահ Ալեն Սիմոնյանը հայտարարեց, որ արտահերթ նիստ չեն կարող հրավիրել առաջարկը ոչ լիարժեք ներկայացնելու հիմնավորմամբ:
