ԱՄՆ-ի և Չինաստանի ղեկավարները վիրտուալ գագաթնաժողով կանցկացնեն հաջորդ շաբաթ
ԱՄՆ-ի նախագահ Ջո Բայդենը եւ ՉԺՀ-ի նախագահ Սի Ծինպինը վիրտուալ գագաթնաժողով կանցկացնեն հաջորդ շաբաթ: Այս մասին հաղորդել է Bloomberg գործակալությունը՝ վկայակոչելով սեփական աղբյուրների:
Ջո Բայդենը եւ Սի Ծինպինը, ինչպես պլանավորվում է, առցանց ձեւաչափով գագաթնաժողով կանցկացնեն հաջորդ շաբաթ»,- ասվում է հաղորդագրության մեջ:
Աղբյուրների փոխանցմամբ՝ բանակցությունների անցկացման ստույգ ամսաթիվն առայժմ քննարկվում է:
Նրանք նաեւ նշել են, որ գագաթնաժողովում չի քննարկվելու Չենդուում ԱՄՆ-ի գլխավոր հյուպատոսության եւ Հյուսթոնում Չինաստանի գլխավոր հյուպատոսության աշխատանքի հնարավոր վերսկսման հարցը, հաղորդել է «Ինտերֆաքս»-ը:
