Իրանի զինված ուժերը վարժանքներ են անցկացնում Օրմուզի նեղուցի շրջանում
Իրանի զինված ուժերը կիրակի Օրմուզի նեղուցի շրջանում սկսել են «Զոլֆաքար-1400» զորավարժությունները: Այս մասին, ինչպես տեղեկացնում է ՏԱՍՍ-ը, հայտնել Է Tasnim գործակալությունը:
Զորավարժություններին մասնակցում են ԻԻՀ հետևակի ստորաբաժանումները, մեքենայացված զորամասերը, ռազմածովային, ռազմաօդային և հակաօդային պաշտպանության ուժերը։ Բացի այդ, դրանցում ներգրավված են ռադիոլոկացիոն պայքարի միջոցներ և անօդաչու թռչող սարքեր:
Իրանի զինված ուժերն այդ շրջանում վարժանքներ են անցկացնում ամենամյա հիմունքներով։
