
Վարորդը փայտանյութի օրինականությունը վկայող փաստաթուղթ չի ներկայացրել
Հոկտեմբերի 30-ին Գորիսի համայնքային ոստիկաններն ու ՊՊԾ դասակի ոստիկանները հերթական շրջայցի ժամանակ ստուգել են Սյունիքի մարզի Բարձրավան գյուղի 56-ամյա բնակչի՝ փայտանյութով բեռնված «Ֆորդ Տրանզիտ» մեքենան:
Վարորդը փայտանյութի օրինականությունը վկայող փաստաթուղթ չի ներկայացրել։ Փայտանյութով բեռնված մեքենան տեղափոխվել է բաժնի հատուկ պահպանվող տարածք:
Պարզվել է, որ նա մեկ շաբաթ առաջ Բարձրավան գյուղի հարակից անտառում կաղնի և բոխի էր ապօրինի հատել։
Նշանակվել է մասնագիտական ստուգում։ Հանգամանքները քննությամբ պարզվում են։