Թուրքիայում սկսվել են ռազմածովային վարժանքներ
Թուրքիայում մեկնարկել են «Արևելյան Միջերկրական 2021» ռազմածովային վարժանքները։ Այս մասին տեղեկացնում է ermenihaber.am-ը։
Մուղլայի Մարմարիս շրջանի Աքսազ ռազմածովային բազայում իրականացված ճեպազրույցի ընթացքում թուրքական բանակի փոխգնդապետ Ջյունեյթ Թալայմանը հայտարարել է, որ վարժանքները կանցկացվեն նոյեմբերի 1-ից 12-ը Միջերկրական ծովում։
Նա նաև նշել է, որ ռազմածովային վարժանքների նպատակը մարդասիրական օգնություն տրամադրելու և բնական աղետներին արձագանքելու մեթոդների փորձարկումն է ընդհանուր սցենարի հիման վրա։
Զորավարժանքներին մասնակցում է 35 նավ և 5.000 անձնակազմ 10 երկրից։ Վարժանքներին ներկա են լինելու նաև դիտորդներ Բահրեյնից, Իրաքից, Հորդանանից, Լիբիայից, Նիգերիայից, Պակիստանից, Օմանից և Ուկրաինայից։
