Ստամբուլում օտարաբնակների թիվը մոտ 2.5 մլն է
Թուրքիայի ներքին գործերի նախարարության ներգաղթյալների վարչությունը՝ ի պատասխան Ստամբուլի ընդդիմադիր քաղաքապետ էքրեմ Իմամօղլուի հայտարարության, տվյալներ է հրապարակել Ստամբուլում օտարերկրացիների վերաբերյալ։ Այս մասին տեղեկացնում է ermenihaber.am-ը։
Նշենք, որ Իմամօղլուն հայտնել էր, որ այս պահին Ստամբուլում փախստականների, ներգաղթյալների և կացության իրավունք ունեցող օտարեկրացիների թիվը մոտ 2.5 մլն է։ Սակայն ներգաղթյալների վարչությունը հակափաստարկ է ներկայացրել՝ հերքելով Իմամօղլուի հրապարակած տվյալները։
Վարչության հաղորդագրության մեջ մասնավորապես ասվում է.
«Ստամբուլի նահանգում ընդհանուր առմամբ իրավական կարգավիճակ ունեցող 1 մլն 182.157 օտարերկրացի է բնակվում, որից 644.726-ն ունի կացության իրավունք, 535.025-ը (սիրիացի)՝ ժամանակավոր կացության իրավունք և 2.406-ը՝ ներգաղթյալի կարգավիճակ։
Նշվում է, որ Թուրքիայում օտարեկրացիների ընդհանուր թիվը, որոնք ունեն հիմնական կամ ժամանակավոր կացության իրավունք, ներգաղթյալի կարգավիճակ, 5 մլն 276.471 է։
