Ադրբեջանական և թուրքական ռազմական օդանավերը մարտական թռիչքներ են կատարել

Թուրքիայի Քոնիա քաղաքում անցկացվող «ԹուրԱզ Բազե-2021» անցկացվող համատեղ զորավարժությունների ժամանակ ադրբեջանցի և թուրք զինվորականները մարտական թռիչքներ են իրականացրել:

Ինչպես հայտնում է ադրբեջանական աղբյուրը՝ հղում անելով երկրի պաշտպանության նախարարությանը, ուսումնավարժանքների ծրագրի համաձայն՝ օպերատիվ թռիչքներ են իրականացվել՝ ուղղված պայմանական հակառակորդի կործանիչների գրոհը հետ մղելուն, տարբեր մանրևներ են կատարել ՀՕՊ համակարգերից խուսափելու համար, ինչպես նաև հարվածներ են հասցրել նշված ցամաքային թիրախներին: