«Լա լիգայի բոլոր ակումբների եկամուտը կախված է Մեսսիից»․ տնտեսագետ

Տնտեսագետ Խոսեպ Ֆաբրան խոսել է Իսպանիայի առաջնությունում Լիոնել Մեսսիի դերի մասին:

«Լա լիգայի ապրանքանիշը Մեսսիով և առանց Մեսսիի նույնը չէ:

Մեսսին Լա լիգայի գլխավոր ֆուտբոլային ակտիվն է: Նա ավելի լավն է դարձնում ոչ միայն «Բարսելոնան», այլև բոլոր մյուս թիմերը:

Նրա հետ մրցաշարն ավելի մեծ ներուժ ունի: Օրինակ, Լա լիգայի շոուի համար պայմանագիր կնքելը և իմիջային իրավունքները վաճառելը ավելի դժվար է, քան նրա հետ: Բոլոր ակումբների եկամուտը կախված է Մեսսիից»,- ասել է Ֆաբրան:

Մեսսիի պայմանագիրը «Բարսելոնայի» հետ ավարտվել է հունիսի 30-ին, իսկ նոր պայմանագիրը դեռ պետք է ստորագրվի: Ըստ Diario Sport-ի, արգենտինացին չի սկսի մարզվել թիմի հետ, քանի դեռ նա չի ստորագրել նոր համաձայնագիր: Այժմ նա ընտանիքի հետ արձակուրդում է:

Ակնկալվում է, որ պայմանագիրը կկնքվի հաջորդ ամսվա սկզբին: Ամենահավանական ամսաթիվը օգոստոսի 2-ն է:

Պայմանագիրը կնքելուց հետո Մեսսին բուժզննում կանցնի և «Բարսելոնայում» կմարզվի Սերխիո Ագուերոյի և Էմերսոն Ապարեսիդոյի հետ՝ սպասելով հիմնական կազմի վերադարձին Գերմանիայի ուսումնամարզական հավաքից:

Անցած մրցաշրջանում արգենտինացին Լա լիգայի 35 խաղում դարձել է 30 գոլի և 9 գոլային փոխանցման հեղինակ:

Սիրարփի Աղաբաբյան