Ճապոնիայում հնարավոր են համարել տարածաշրջանում ցունամիի հավանականությունը
Ճապոնացի սեյսմոլոգները հնարավոր են համարում ցունամիի առաջացման հավանականությունը Խաղաղօվկիանոսյան տարածաշրջանի ընդարձակ գոտիներում 8,2 մագնիտուդով երկրաշարժից հետ, որը տեղի է ունեցել Ալյասկայի նահանգի ծովեզերքի մոտ: Հուլիսի 29-ին այդ մասին հայտնել է Ճապոնիայի Օդերեւութաբանության ազգային վարչությունը։
Հրապարակված հաղորդագրության համաձայն՝ ճապոնացի սեյսմոլոգները ներկայումս նաեւ պարզում են, թե ցունամի սպառնում է արդյոք Ճապոնիայի տարածքին: Ավելի վաղ ԱՄՆ-ի Երկրաբանական ծառայությունը հայտարարել է, որ 8,2 մագնիտուդով երկրաշարժ է տեղի ունեցել Ալյասկայի նահանգի ափի մոտ:
ԱՄՆ-ի Ցունամիների նախազգուշացման ազգային կենտրոնի տվյալներով՝ ցունամին կարող է մոլեգնել Խաղաղ օվկիանոսի Մարիանյան կղզիներում, հաղորդել է ՏԱՍՍ-ը:
