Արգենտինայի հարավում ծովածոցը վարդագույն է դարձել

Արգենտինայի հարավում Կորֆոյի ծովածոցը վարդագույն է դարձել, հայտնում է Euronews-ը և հավելում, որ ջուրն իր գույնը փոխել է ձկնորսական ընկերությունների արտանետած թափոնների պատճառով։

Ծովածոցի գունային փոփոխությունը բնակիչների շրջանում տագնապ է առաջացրել։ Մարդիկ բողոքում են սարսափելի հոտից և ճանճերի առկայությունից։

Տեղական իշխանությունները հավաստիացրել են, որ թափոնները ծովածոց լցնելու թույլտվությունը պաշտոնապես է տրվել, և հավելել, որ ջուրն անվտանգ է, և մի քանի օրից գույնը կփոխվի։