Ստավրոպոլում անհայտ անձը կրակել և սպանել է ոստիկանության քրեական հետախուզման պետի հայազգի տեղակալին
Ռուսաստանի Ստավրոպոլ քաղաքում անհայտ անձը կրակել և սանել է ոստիկանության բաժանմունքներից մեկի քրեական հետախուզման պետի տեղակալ Ռուսլան Աբովյանին: Այս մասին life.ru կայքին տեղեկացրել է իրավապահ մարմիններում իր աղբյուրը:
Դեպքը տեղի է ունեցել երեկ երեկոյան: Սոցիալական ցանցերում հրապարակված կադրերում երևում է սպանության պահը. տղամարդը ավտոկայանատեղիում մոտենում է ոստիկանական մեքենային և կրակում է: Ըստ կայքի զրուցակցի, Աբովյանը ստացել է առնվազն 9 վիրավորում, ինչի հետևանքով կեսգիշերին մոտ մահացել է հիվանդանոցում:
Սպանության կասկածանքով փնտրում են 1977 թվականին ծնված Զաուրբեկ Կ.-ին: Ենթադրաբար, նա դեպքի վայրից փախել է մեքենայով, մեքենան հետագայում լքված են գտել: որոնմանը ներգրավված են բոլոր ուժերը, ներառյալ`ՕՄՈՆ-ը:
