Ջեֆ Բեզոսը հաջող զբոսաշրջային թռիչք է կատարել տիեզերք

Ի տարբերություն VSS Unity-ի վերջին թռիչքի, այս անգամ տիեզերանավն իրականում մտավ «իրական տարածք»:

Հուլիսի 20-ին, Երևանի ժամանակով ժամը 15:12-ին, Blue Origin-ը տիեզերք կատարեց առաջին զբոսաշրջային թռիչքը: Օդանավում ընկերության հիմնադիր միլիարդատեր Ջեֆ Բեզոսն էր, նրա կրտսեր եղբայրը` Մարկը, ինչպես նաև ևս երկու զբոսաշրջիկ` 82-ամյա Ուալի Ֆանկը և 18-ամյա հոլանդացի Օլիվեր Դամանը: Այսպիսով, New Shepard-ի առաջին թռիչքը, որում մարդիկ էին գտնվում, միանգամից երկու ռեկորդ սահմանեց՝ պատմության մեջ ամենաերիտասարդ և ամենատարեց անձնավորություններն ուղևորվեցին տիեզերք։

Մեկնարկը տեղի ունեցավ  Blue Origin հարթակից՝ Վան Հորն, Տեխաս նահանգ:

15:16-ին, գործարկումից մոտավորապես 3 րոպե 40 վայրկյան անց, տիեզերանավը հատեց Կարման գիծը՝ Երկրի մթնոլորտի և տարածության սահմանը, որը ISS չափանիշներով սահմանված է 100 կմ: Համեմատության համար նշենք, որ ընդամենը 9 օր առաջ Virgin Galactics տիեզերական ընկերությունը VSS Unity հրթիռային ինքնաթիռ է ուղարկել մոտ 88 կմ բարձրություն, այսինքն՝ այն տեխնիկապես չի հատել տարածության սահմանները:

15:19-ին ուժեղացուցիչ հրթիռը հաջող վայրէջք կատարեց՝ շարժիչները գործարկելուց 7 րոպե 25 վայրկյան անց:

Տիեզերագնացների հետ պարկուճը վայրէջք կատարեց երեկոյան 15:23-ին: Բոլոր չորս զբոսաշրջիկները հաստատեցին, որ իրենց լավ են զգում, իսկ Ջեֆ Բեզոսը մեկնաբանեց, որ դա «իր կյանքի լավագույն օրն է»:

Մի քանի րոպե անց տիեզերագնացները հաջողությամբ լքեցին պարկուճը և հանդիպեցին ընտանիքի և թիմի հետ:

Սիրարփի Աղաբաբյան