Դատական դեպարտամենտի ղեկավարի պարտականությունները ժամանակավորապես կկատարի ԲԴԽ վարչության պետերից մեկը
Դատական դեպարտամենտի ղեկավարի ժամանակավոր պաշտոնակատար Կարեն Փոլադյանի պարտադրված հրաժարականից հետո նշանակվել է Խաչիկ Ղազարյանը: Վերջինս մինչ այս նշանակումը ղեկավարում էր Բարձրագույն դատական խորհրդի (ԲԴԽ) վարչություններից մեկը:
Այս մասին ի պատասխան 168.am-ի հարցման՝ պատասխանեցին ԲԴԽ լրատվական ծառայությունից:
Հիշեցնենք, որ ավելի վաղ գրել էինք, որ ԲԴԽ նախագահի աթոռը ժամանակավորապես զբաղեցնող Գագիկ Ջհանգիրյանի պահանջով առաջիկայում Կարեն Փոլադյանը հրաժեշտ կտա իր պաշտոնին:
Գրել էինք նաև, որ այդ պաշտոնը կզբաղեցնի Նիկոլ Փաշինյանի՝ իրավական հարցերով օգնական, բազմաթիվ սկանդալային իրադարձությունների կենտրոնում հայտնված Աննա Վարդապետյանը: Օրեր անց՝ հուլիսի 13-ին, Կարեն Փոլադյանը հրաժարականի դիմում գրեց:
Ըստ էության, հավանաբար հասարակական աղմուկից այս փուլում խուսափելու համար ԲԴԽ-ում խնդրի ժամանակավոր լուծումը գտել են ԲԴԽ ներկայացուցչի այդ պաշտոնում ժամանակավորապես նշանակելով:
