Մեծ Բրիտանիայի առողջապահության նախարարը վարակվել է կորոնավիրուսով
Մեծ Բրիտանիայի առողջապահության նախարար Սաջիդ Ջավիդը վարակվել է կորոնավիրուսով: Նշվում է, որ պատվաստման շնորհիվ վարակվածության ախտանշանները թույլ են:
«Այս առավոտ COVID-ի թեստի պատասխանը դրական է եղել: Եվ պատվաստման շնորհիվ հիվանդացության ախտանշանները թույլ են: Խնդրում եմ, պատվաստվել, եթե դուք դեռ դա չեք արել»,- այս մասին նախարարը նշել է «Թվիթեր»-ի իր միկրոբլոգում:
Մեծ Բրիտանիայի նախորդ նախարար Մեթյու Հենկոկը ևս վարակվել էր կորոնավիրուսով: Դա տեղի էր ունեցել 2020 թվականի գարնանը:
