Բաքվում 13 հայ ռազմագերիների նկատմամբ դատավարությունը հետաձգվել է մինչև հուլիսի 26-ը
Բաքվում հետաձգվել է հայ ռազմագերիների նկատմամբ դատավարության հերթական նիստը: Ինչպես հաղորդում են ադրբեջանական լրատվամիջոցները, դատալսումը հետաձգվել է մեղադրյալների փաստաբաններից մեկի չներկայանալու պատճառով:
Նիստը կայանալու է հուլիսի 26-ին: Խոսքը գործի քննության մասին է, որով մեղադրյալ են հանդիսանում Ռաֆիկ Ռոբերտի Կարապետյանը, Գուրգեն Հովհաննեսի Գոլայանը, Հրայր Սերժի Թադևոսյանը, Վաղարշակ Մերուժանի Մալոյանը, Սասուն Սեյրանի Եղիազարյանը, Արսեն Արայիկի Վարդանյանը, Վահագն Էդիկի Բահրիկյանը, Սեդրակ Սամվելի Սողոմոնյանը, Արմեն Վազգենի Դիլանյանը, Մանուկ Հովհաննեսի Մարտոնյանը, Մելս Կարապետի Անբարդանյանը, Անդրանիկ Վազգենի Միքայելյանը և Ֆելիքս Արշակի Գրիգորյանը:
Հայ ռազմագերիներին Բաքվում դատում են «ահաբեկչության», «զենքի անօրինական պահման և տեղափոխման», «կազմակերպության կամ անհատ անձանց վրա հարձակման» և «Ադրբեջանի սահմանի անօրինական հատման» մասին հոդվածներով:
