Արշակունյաց պողոտայում ծառը մասամբ պոկվել է և փակել ճանապարհի երթևեկելի հատվածը
Հուլիսի 9-ին, ժամը 21։09-ին Ճգնաժամային կառավարման ազգային կենտրոն ահազանգ է ստացվել, որ Երևանի Արշակունյաց պողոտայում ծառը մասամբ պոկվել է և փակել ճանապարհի երթևեկելի հատվածը․ անհրաժեշտ է փրկարարների օգնությունը։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները ծառի ճյուղը ճանապարհի երթևեկելի հատվածից հեռացրել են անվտանգ տարածք։
