Եվրամիությունը լրացուցիչ միջոցներ կտրամադրի Թուրքիային սիրիացիներին ապաստան տալու համար
Եվրոպական խորհրդի նախագահ Չարլզ Միշելը հունիսի 24-25-ը կայացած ԵՄ գագաթնաժողովի արդյունքներով կիսվել է Եվրախորհրդարանի պատգամավորների հետ: Այս մասին տեղեկացնում է ermenihaber.am-ը։
Միշելն, անդրադառնալով Արևելյան Միջերկրականի հարցին, նշել է, որ այդ տարածաշրջանում լարվածությունը թուլացել է, ինչն իր համոզմամբ, լավ նշան է:
Ինչ վերաբերում է Թուրքիայի հետ հարաբերություններին, ապա նա շեշտել է, որ այդ երկրի նկատմամբ ԵՄ-ի քաղաքականությունը շարունակվելու է ձևավորվել դեմ առ դեմ, չափավոր և անշրջելի հարաբերություններ կառուցելու վրա:
Միշելը նաև հայտնել է, որ գագաթաժնաժողովի ընթացքում քննարկել են COVID-19- ին, միգրացիայի արտաքին հարաբերությունների ձևաչափին, տնտեսությունների վերականգնմանը, հիմնարար իրավունքներին և օրենքի գերակայությանն առնչվող հարցեր:
Նշելով, որ աշխատանքներ են սկսվել Մաքսային միության նորացման ուղղությամբ՝ Միշելը հիշեցրեց, որ ԵՄ հանձնաժողովը պայմանավորվել է լրացուցիչ միջոցներ հատկացնել Թուրքիային՝ սիրիացիներին հյուրընկալելու համար:
