Արցախյան պատերազմի ադրբեջանցի մասնակիցը խեղդվել է ծովում
Ադրբեջանի Աբշերոնի շրջանի Նովխանը գյուղում գտնվող Sunset լողափում խեղդվել է 1997 թվականին ծնված Փյարվիզ Ջաֆարզադեն: Այս մասին տեղեկացնում է minval.az կայքը:
Դեպքի վայր են ժամանել Ադրբեջանի արտակարգ իրավիճակների նախարարության ստորջրյա որոնողական խմբերը:
24-ամյա տղամարդու մարմինը ջրից հանել են ու հանձնել ըստ նշանակության:
Ջաֆարզադեն Արցախյան վերջին` 44-օրյա պատերազմի մասնակից էր: Մասնակցել էր Ջրականի (Ջաբրայիլ) և Կովսականի (Զանգելան) մարտերին:
