ՌԴ Սվերդլովսկի շրջանը ներդրումներ գրավելու ուղղությամբ կհամագործակցի հայկական կողմի հետ
Ռուսաստանի Դաշնության Սվերդլովսկի շրջանն այսուհետ առտևատնտեսական ոլորտում համագործակցելու է Հայաստանի հետ: Համապատասխան համաձայնագիրը հուլիսի 6-ին «Իննոպրոմ-2021» միջազգային արդյունաբերական ցուցահանդեսի շրջանակում ստորագրել են Սվերդլովսկի շրջանի նահանգապետ Եվգենիյ Կույվաշևը և Հայաստանի էկոնոմիկայի նախարարի պաշտոնակատար Վահան Քերոբյանը:
«Հայկական կողմը համագործակցության և մեր կողմից Հայաստանում ներդրումներ գրավելու տեսանկյունից հետաքրքրված է մեր արդյունաբերական ոլորտով: Հայ ձեռնարկատերերը ցանկանում են համատեղ ընկերություններ ստեղծել՝ կյանքի կոչելու ներդրումային նախագծեր ինչպես Հայաստանի տարածքում, այնպես էլ այստեղ՝ Ռուսաստանում»,- ՏԱՍՍ-ի հետ զրույցում ասել է Կույվաշևը:
