Գազարի մուրաբա

Բաղադրիչներ

1. Թարմ գազար – 1.5 կգ

2. Շաքարավազ – 1.5 կգ

3. Կիտրոն – 2 հատ

4. Կոճապղպեղ – 50 գ

5. Ջուր

Պատրաստման եղանակը

1. Գազարն առանց մաքրելու եփել 25-30 րոպե: Եփվելուց հետո մաքրել և խորանարդաձև կտրատել:

2. Մեկ կիտրոնի կեղևը բարակ շերտատել և եփել: Բավարար է 10-15 րոպեն: Կոճապղպեղը քերել մանր քերիչով:

3. Շաքարավազին ավելացնել կոճապղպեղը, կիտրոնի կեղևը և 100 մլ եռացրած ջուր: Տաքացնելով հալեցնել շաքարավազը:

4. Պատրաստի բաղադրիչները լցնել հաստ հատակով կաթսայի մեջ, վրան լցնել օշարակը, եփել մոտ մեկ ժամ, ժամանակ առ ժամանակ խառնել և հեռացնել փրփուրը: Պատրաստի մուրաբայի մեջ գազարը պետք է թափանցիկ դառնա: Լցնել մուրաբան բանկաների մեջ և փակել:

Պատրաստեց Անի Գաբուզյանը