Տոկիոյում պարզում են ճապոնական և ռուսական ձկնորսանավերի բախման հանգամանքները
Ճապոնիայի իշխանությունները պարզում են ճապոնական եւ ռուսական ձկնորսանավերի բախման հանգամանքները, որը տեղի է ունեցել մայիսի 26-ին Օխոտի ծովում: Այդ մասին ՏԱՍՍ-ին հայտնել են Ճապոնիայի Ծովում անվտանգության վարչությունում:
«Մենք ուսումնասիրում ենք միջադեպի հանգամանքները, բախման վայր են ուղարկվել մեր պարեկանավերը: Ըստ վարչության տեղեկատվւթյան՝ «ողջ մնացած ձկնորսները, որոնք բախման ժամանակ գտնվել են ճապոնական նավում, տարվել են ափ, նրանց կյանքի համար սպառնալիք չկա»:
Միջադեպը տեղի է ունեցել Ճապոնիայի Հոկայդո կղզուց 23 կիլոմետր հեռավորության վրա: Բախման հետեւանքով ճապոնական նավը շրջվել է, նավում գտնվող հինգ ձկնորսներից երեքը զոհվել են:
Ռուսական «Ամուր» նավը, որը բախվել է ճապոնական ձկնորսանավի հետ, պատկանում է Սախալինի «Ամուրսկոյե» ձկնարդյունաբերական ընկերությանը, որը գրանցած է Յուժնո Սախալինսկում, հաղորդել է ՏԱՍՍ-ը:
