Հռոմեական լարված դերբի․ «Ռոմա»-«Լացիո»

Իտալիայի առաջնության հերթական տուրում տեղի կունենա հռոմեական դերբին ՝ «Ռոման» սեփական հարկի տակ ընդունելու է «Լացիոյին»։

«Ռոմա»

«Ռոման»  ձախողեց այս մրցաշրջանը բոլոր ճակատներում, այդ իսկ պատճառով հռոմեացիները առաջնության ավարտից հետո որոշեցին հրաժեշտ տալ Պաուլո Ֆոնսեկային: Ղեկավարները Ժոզե Մոուրինյոյին ընտրել են, որպեսզի նա վերադարձնել ակումբն իր նախկին կարգավիճակին․ նա իր պարտականությունները կստանձնի հաջորդ ամառ:

Վերջին հինգ տուրերի երեք պարտությունները վերջնականապես դուրս մղեցին «գայլերին» թոփ-4- ի համար պայքարից: «Ռոման»  անհաջողություններ կրեց «Ինտերի» (1: 3), «Սամպդորիայի» (0: 2) և «Կալյարիի» (2: 3) հետ հանդիպումներում, իսկ «Կրոտոնեն» (5: 0) տնային գերվստահ հաղթանակը չնչին հույսեր էր արթնացրել հռոմեական թիմի երկրպագուների համար։

«Ռոման»  ձախողում է մրցաշրջանը, քանի որ Պաուլո Ֆոնսեկան խնդիր ուներ դուրս գալ Չեմպիոնների լիգա, բայց պորտուգալացի մարզիչը չկարողացավ հաղթահարել դա։

Եվրոպայի ամենահեղինակավոր ակումբային մրցաշարի ուղեգիր նվաճելու մեկ այլ հնարավորություն էր Եվրոպա լիգայում հաղթելը: Հռոմեացիները հասան կիսաեզրափակիչ, բայց «Մանչեսթեր Յունայթեդի» հետ առաջին խաղում արդեն իսկ պարտվեցին դիմակայությունը։

«Լացիո»

«Լացիոն» հինգ միավորով է հետ մնում թոփ-4- ից, բայց պահուստում ունի մեկ հանդիպում: Անցյալ տարվա արդյունքը կրկնելու և Չեմպիոնների լիգայում կրկին խաղալու համար «արծիվները» պետք է հաղթեն մնացած հանդիպումներում և հույս դնեն «Յուվենթուսի» և «Նապոլիի» սխալ գործելու վրա: Առաջնության վերջին տուրում Սիմոնե Ինձագիի թիմը 21-րդ հաղթանակն ապահովեց առաջնությունում ՝ սեփական հարկի տակ նվազագույն հաշվով հաղթելով «Պարմային» (1: 0): Ավելի վաղ «Լացիոն» պարտություն կրեց «Ֆիորենտինայից» (0: 2):

«Ռոման»  մոտենում է առաջիկա խաղին կազմի որոշակի խնդիրներով: «Լացիոյի» վիճակն այս առումով շատ ավելի լավն է, իսկ Չիրո Իմոբիլեն այժմ անընդհատ գոլ է խփում:

Հիշեցնենք, որ խաղը տեղի կունենա այսօր՝ Երևանի ժամանակով  22։45-ին։

Սիրարփի Աղաբաբյան