Ռամոսի բանակցությունները «Ռեալի» հետ դեռ փակուղում են
Մադրիդի «Ռեալը» չի կարողանում պայմանավորվել պաշտպան Սերխիո Ռամոսի հետ՝ նոր պայմանագիր կնքելու հարցում:
Բանակցությունները փակուղում են, չնայած իսպանացու գործող պայմանագիրը Մադրիդի հետ կավարտվի 50 օրից էլ պակաս ժամկետում: Առայժմ ոչինչ չի վկայում այն մասին, որ Ռամոսի ու Մադրիդի «Ռեալի» միջև համաձայնության հասնելը հնարավոր է, գրում է Marca-ն:
Սերխիոն համաձայն է երկամյա պայմանագրի՝ 10 տոկոս աշխատավարձի կրճատմամբ: «Ռեալը» գոհ չէ այս տարբերակից:
Մադրիդի ավագի ու ակումբի նախագահ Ֆլորենտինո Պերեսի միջև ջերմ հարաբերություններ են հաստատվել վաղուց: Սա կարող է ազդել բանակցությունների ընթացքի վրա և օգնել կողմերին փոխզիջման հասնել:
Այս մրցաշրջանում 34-ամյա ֆուտբոլիստը 15 խաղ է անցկացրել Լա Լիգայում և դարձել 2 գոլի հեղինակ (երկուսն էլ՝ 11-մետրանոցներից): Նա այժմ վնասվածք ունի:
Սիրարփի Աղաբաբյան
