Օպերային երգիչ Վալերի Հարությունյանի 80-ամյակին Կամերային երաժշտության տանը համերգ կանցկացվի
Օպերային երգիչ Վալերի Հարությունյանը, որը կյանքից հեռացել է 2017 թվականին, այս տարի կտոներ 80-ամյակը:
ՀՀ վաստակավոր արտիստի հոբելյանի առթիվ նրան նվիրված համերգային երեկո է կազմակերպվել: Այն տեղի կունենա մայիսի 10-ին Կոմիտասի անվան կամերային երաժշտության տանը:
Համերգին ելույթ կունենան սոպրանո Ռուզան Մանթաշյանը, բարիտոն
Գուրգեն Բավեյանը, դաշնակահար
Մարգարիտ Սարգսյանը:
Կհնչեն Սայաթ-Նովայի, Լյուդվիգ վան Բեթհովենի, Պյոտր Չայկովսկու, Անտոնին Դվորժակի, Գաբրիել Ֆորեի, Էրնեստ Շոսսոնի, Սերգեյ Ռախմանինովի ստեղծագործությունները:
