«Կարծում եմ՝ մայիսի 3-ի մասով անակնկալներ չեն լինելու». Իվետա Տոնոյան
ԱԺ «Բարգավաճ Հայաստան» խմբակցության պատգամավոր Իվետա Տոնոյանի խոսքով՝ անընդունելի է այն հետևողական քաղաքականությունը, որը վերջին երեք տարիների ընթացքում վարում է իշխանությունը: Մասնավորապես՝ հասարակությանը բաժանելով սևերի ու սպիտակների, յուրայինների և ոչ յուրայինների:
«Վերջին օրերին ականատես եմ լինում տարբեր խոսակցությունների, ու տարբեր կարծիքներ են հնչում Սյունիքում ծավալվող գործողություններին մասնակիցների վերաբերյալ: Ինչպես է պատահում, որ այս կամ այն մարզում, օրինակ, ծափողջույններով են դիմավորում Նիկոլ Փաշինյանին, այդ մարզը լավն է, յուրային է, բայց այնտեղ, որտեղ իրենց համար հնչում է ոչ ցանկալի պիտակավորում, այդ մարզը դառնում է ոչ ցանկալի, այդպես չի լինում: Միշտ ասում են, թե սյունեցիներին եղել են ուղղորդողներ, եթե այդ տրամաբանությամբ առաջնորդվենք, ուրեմն երեխաներին իշխանությունների այցերին բերելու համար եղել են ուղղորդողներ»,- նշեց Իվետա Տոնոյանը:
Անդրադառնալով մայիսի 3-ին վարչապետի ընտրությանը, Իվետա Տոնոյանն ասաց, որ արդեն ասել են, որ իրենք վարչապետի թեկնածու չեն առաջադրելու. «Անակնկալներ չեն լինելու, կարծում եմ՝ մայիսի 3-ի մասով անակնկալներ չեն լինելու»:
Մանրամասները՝ 168.am-ի տեսանյութում
