Տիտղոսակիր մարզիկները հյուրընկալվել էին «Ուրարտու» ակումբում
Հայաստանի ծանրամարտի և ըմբշամարտի հավաքականի անդամները հյուրընկալվել էին «Ուրարտու» ֆուտբոլային ակումբի ակադեմիայում: Այս մասին հայտնում է ակումբի մամուլի ծառայությունը: «Ուրարտու» – «Արարատ-Արմենիա» հանդիպմանը ներկա էին նաև ըմբշամարտի աշխարհի գավաթակիր Վազգեն Թևանյանը, ծանրամարտի Եվրոպայի չեմպիոն Կարեն Ավագյանը, ծանրամարտի Եվրոպայի բրոնզե մեդալակիր Դավիթ Հովհանիսյանը։
Մարզիկները շրջայց կատարեցին «Ուրարտուի» մարզաբազայում, ծանոթացան ակադեմիայի պատանի ֆուտբոլիստների հետ, ցույց տվեցին իրենց ֆուտբոլային ունակությունները։«Ուրարտուի» ակադեմիայի սաները լուսանկարվեցին մարզիկների հետ և հաջողություն մաղթեցին առաջիկա կարևորագույն մրցաշարերում։
