Ի՞նչ են հրապարակել հաքերները՝ Apple-ի գաղտնի փաստաթղթերից

REvil հաքերների խումբը սկսել է վերբեռնել խոշորագույն Apple մատակարարող ընկերությանը կոտրելու ընթացքում ձեռք բերված փաստաթղթերը: Գողացվել են ընկերության նորագույն արտադրանքի գծագրերը:

REvil հաքերների խումբը, որը հայտնի է նաև՝ որպես Sodinokibi, համացանցում հայտարարություն է հրապարակել այն մասին, որ ներթափանցել է Quanta Computer ցանց: Թայվանական այս ընկերությունը Apple-ի հիմնական մատակարարն է, որը հիմնականում արտադրում է MacBook-ներ, գրում է Bloomberg-ը:

Quanta Computer-ը խոստովանել է, որ հարձակումը կատարվել է, բայց չի բացատրել, թե տվյալների որ մասն է գողացված: Ըստ ծրագրի՝ փաստաթղթերի մեջ կան դեռ չհայտարարված Apple համակարգիչների նախագծեր: Դրանք պարունակում էին սարքերի սերիական համարները և բնութագրերը:

REvil ն այժմ փորձում է ճնշում գործադրել Apple-ի վրա և կապիտալի վերածել գողացված տվյալները: Դրանց համար պահանջվում է 50 միլիոն դոլար փրկագին: Այս գումարը պետք է փոխանցվի մինչև մայիսի 1-ը, հակառակ դեպքում բոլոր գաղտնի փաստաթղթերը կհրապարակվեն: Արդեն հրապարակել են նոր MacBook-ի գծագրերը, որոնք մանրամասն նկարագրում են սարքի աշխատանքային մանրամասները:

Quanta Computer-ը համագործակցում է նաև HP-ի, Facebook-ի և Google-ի հետ: Հայտնի չէ՝ գողացվե՞լ են այդ ընկերությունների տվյալները, թե՞ ոչ: Աղբյուրը մանրամասնում է, որ Apple-ի խոսնակը հրաժարվել է մեկնաբանել ransomware-ի հետ հնարավոր փոխզիջման մասին հարցերը:

Սիրարփի Աղաբաբյան