Բռնցքամարտիկները երկու ոսկե մեդալ են նվաճել Ուկրաինայի միջազգային մրցաշարում
Հայաստանի բռնցքամարտի հավաքականի անդամներ Գուրգեն Մադոյանը և Արման Դարչինյանը հաղթել են Ուկրաինայի միջազգային մրցաշարում:
69 կգ քաշային Գուրգեն Մադոյանը եզրափակիչում առավելության հասավ Ուկրաինան ներկայացնող Յարոսլավ Շամաֆանովի նկատմամբ, իսկ Դարչինյանը համառ պայքարում հաղթեց Ուկրաինայի դրոշի ներքո հանդես եկող մեր հայրենակից Լիպարիտ Ուստյանին: 52 կգ քաշային Կորյուն Սողոմոնյանը վնասվածքի պատռճառով եզրափակիչ մենամարտի ժամանակ ռինգ դուրս չեկավ և բավարարվեց արծաթե մեդալով: Արծաթե մեդալ նվաճեցին նաև նաև 57 կգ քաշային Արթուր Ղազարյանը և գերծանր քաշային Գուրգեն Հովհաննիսյանը: Եվս 5 հայ մարզիկ արժանացան բրոնզե պարգևի:
