Ադրբեջանցիները թույլ չեն տվել, որ հայկական մեքենաներն անցնեն Գորիս-Կապան ճանապարհով
Սյունիքի մարզի Գորիս-Կապան ճանապարհին, որտեղ երեկ ադրբեջանցիները տեղադրել էին «Բարի գալուստ Ադրբեջան» ցուցանակը, ժամեր առաջ Երևանից գնացող մեքենաներին թույլ չեն տվել անցնել ճանապարհով՝ նշելով, որ այնտեղ Որոտան գյուղն է, որն ադրբեջանական գյուղ է, հետևաբար՝ հայերն իրավունք չունեն մտնելու ադրբեջանական գյուղ:
«Մենք հանգիստ անցանք, մեր պոստում ասեցին, որ՝ ճանապարհի 4 կմ շատ արագ կանցնեք, ճանապարհին չկանգնենք, ու գնացինք: Հավանաբար՝ դա Որոտան գյուղի հատվածն էր»,- մեզ փոխանցեց քաղաքացիներից մեկը, որն այսօր է մեկնել Կապան:
