«Մեզ ո՛չ դիմել են, ո՛չ էլ, բնականաբար, թույլտվություն է եղել». Ստեփանակերտի փոխքաղաղաքապետ
«Իմ քայլը» հիմնադրամի հովանավորությամբ դեկտեմբերի 26-ին և 27-ին Արցախի Հանրապետության մայրաքաղաք Ստեփանակերտում նախատեսված էր իրականացնել ամանորյա միջոցառում: Սակայն, երեկ ապամոնտաժվեցին Ստեփանակերտի Վալեքս հյուրանոցի բակում տեղադրված տոնական վրանները և տոնածառը:
«Իմ քայլը» հիմնադրամից արձագանքել էին, որ միջոցառման կազմակերպչական աշխատանքները համակարգվել են ԱՀ կառավարության հետ։
Ստեփանակերտի փոխքաղաքապետ Սուրեն Թամրազյանը 168.am-ի հետ զրույցում նշեց, որ քաղաքապետարանը միջոցառման հետ ոչ մի առնչություն չի ունեցել:
«Մեզ ո՛չ դիմել են, ո՛չ գրել են, ո՛չ էլ, բնականաբար, թույլտվություն է եղել»,- նշեց նա:
Ի դեպ, այս տարի Ստեփանակերտն Ամանորը տոնական հանդերձանքով չի դիմավորի:
