Թրամփը կհրաժարվի Սպիտակ տունը լքել Բայդենի երդմնակալության օրը. CNN
ԱՄՆ-ի գործող նախագահ Դոնալդ Թրամփն իր մի քանի խորհրդականների հայտարարել է, որ հրաժարվելու է Սպիտակ տունը լքել ընտրված նախագահ Ջո Բայդենի երդմնակալության օրը: Այդ մասին հաստատել է CNN հեռուստաալիքը:
Ավելի վաղ հեռուստաալիքը հաղորդել էր, որ Թրամփը քվեատուների կոլեգիայի քվեարկությունից հետո մտադիր չէ հրապարակորեն ճանաչել պարտությունը ԱՄՆ-ի ղեկավարի ընտրություններում:
Հեռուստաալիքի տեղեկատվության համաձայն, «(պարտության) խորը բացառման պահերին» Թրամփն իր մի քանի խորհրդականների հայտնել է, որ ինքը կհրաժարվի Սպիտակ տունը լքել Բայդենի երդմնակալության օրը»:
Ինչպես նշում է հեռուստաալիքը, դա անհանգստացնում է նրա առանձին խորհրդականների, սակայն նրանցից քչերն են հավատում, որ իսկապես այդ կերպ տեղի կունենա:
Ավելի վաղ դեկտեմբերի 14-ին քվեատուները քվեարկել են համաժողովրդական քվեարկության արդյունքներին համապատասխան, որը տեղի է ունեցել նոյեմբերի 3-ին: Դրա արդյունքներով՝ Բայդենը, ինչպես եւ կանխատեսվում էր, հավաքել է 306 ձայն՝ իր հաղթանակը հաստատելով անցկացված ընտրություններում: Թրամփն իր պարտությունը մինչեւ այժմ չի ճանաչել:
Քվեարկության արդյունքների պաշտոնական հաստատումը կկայանա հունվարի 6-ին, Բայդենի երդմնակալությունը կկայանա հունվարի 20-ին, հաղորդել է ՌԻԱ Նովոստին:
