Թեյի և սուրճի խոշոր պահեստ է այրվել Նովոսիբիրսկում
Հրշեջները լիկվիդացրել են պահեստաշենքում բռնկած հրդեհը Նովոսիբիրսկի Կորովի շրջանում: Այդ մասին հաղորդել է Ռուսաստանի արտակարգ իրավիճակների նախարարության տարածաշրջանային գլխավոր վարչությունը:
ԱԻՆ-ի տվյալների համաձայն, Երեւանի ժամանակով 03:54-ին հրշեջները ուղեւորվեցին հրդեհը վերացնելու Բետոննայա փողոցի պահեստաշենքում, որտեղ պահվում էին թեյի եւ սուրճի խմբաքանակներ, ինչպես նաեւ տեղակայված էր ջերմապահպանիչի արտադրությունը: Պահեստն այրվում էր ամբողջ մակերեսով (600 քառ. մետր), 04:28-ին հրդեհը մարվել է:
«Օպերատիվ տվյալներով՝ զոհվածներ եւ տուժածներ չկան»,-ասել է ԱԻՆ-ը: Հրդեհի մարման ժամանակ շենքից տարհանվել է գազի հինգ բալոն, հաղորդել է «Ինտերֆաքս»-ը:
