«Եթե ուզում եք խաղալ ինձ հետ, ապա խաղում եք ինձ հետ»․ Գրիզմանը՝ Սետյենին
Խորխե Վալդանոյի հետ «Movistar»-ի եթերում հարցազրույցի ընթացքում Անտուան Գրիզմանը խոսել է այն մասին, որ թիմի նախկին մարզիչ Կիկե Սետյենը 2 րոպե խաղաժամանակ էր տվել իրեն իր նախկին ակումբի՝ «Ատլետիկոյի» հետ խաղում։
Ահա խաղի հաջորդ օրը Գրիզմանի և Սետյենի զրույցը, որը բացահայտեց Անտուանը.
Սետյեն– Անտուան, կարո՞ղ ենք խոսել:
Գրիզման– Դրա անհրաժեշտությունը չկա:
Սետյեն– Ընդամենը 2 րոպե:
Գրիզման– Լուրջ, դրա անհրաժեշտությունը չկա:
Սետյեն- Բայց մինչև ե՞րբ ես բարկանալու:
Գրիզման– Երեկ ես շատ չխաղացի, բայց մի անհանգստացեք: Ես կաշխատեմ. եթե ուզում եք խաղալ ինձ հետ, ապա խաղում եք ինձ հետ: Եթե ոչ, խնդիր չկա:
«Բարսայի» կազմում դեբյուտային մրցաշրջանում Գրիզմանը խփեց ընդամենը 15 գոլ: Սետյենի գլխավորությամբ նա խփեց 6 գոլ:
Սիրարփի Աղաբաբյան
