Սոթքի հանքից հայկական կողմը դուրս է բերում տեխնիկան. ադրբեջանցիները ժամանակ են տվել
Քիչ առաջ տեղեկատվություն տարածվեց, որ Վարդենիսի Սոթքի ոսկու հանք են մտել մեծ թվով ադրբեջանցի զինվորականներ ու ժամանակ են տվել ազատել հանքի տարածքը:
Նիկոլ Փաշինյանի մամլո խոսնակ Մանե Գևորգյանն ու Գեղարքունիքի մարզպետ Գնել Սանոսյանը շտապեցին հերքել լուրը, սակայն համացանցում սկսեցին տեսանյութեր տարածվել այդ փաստը վկայող:
Այսինքն՝ իշխանությունները չեն դադարում սուտ տեղեկատվությամբ ծածկադմփոց անել։ Այն էլ՝ նման կարևորություն ներկայացնող խնդրի կապակցությամբ։
Դրանից հետո Կարեն Հովհաննիսյանը լուսանկարներ տարածեց, որոնցում երևում էր, որ ադրբեջանցիներն արդեն հանքի տարածքում են:
168.am-ի՝ Սոթքի աղբյուրներն էլ մեզ հետ զրույցում նշեցին, որ այս պահին հանքից դուրս է բերվում տեխնիկան:
