Իրանում լայնածավալ ՀՕՊ զորավարժություններ են
Իրանում մեկնարկել է «Modafean Aseman Velayat» կոդային անվանումով լայնածավալ զորավարժություն, որն ընդգրկում է երկրի տարածքի կեսից ավելին և ընթանում հակաօդային պաշտպանության (ՀՕՊ) ուժերի օպերատիվ ղեկավարման շտաբի վերահսկողությամբ։ Այս մասին տեղեկացնում է ermenihaber.am-ը։
«Զզորավարժությունների գլխավոր նպատակը Իրանի ռազմավարական օբյեկտների պաշտպանությունն է», – հայտարարել է Իրանի ՀՕՊ ուժերի ներկայացուցիչ գեներալ Աբաս Ֆարաջփուրը։
Հակաօդային պաշտպանության ուժերի վարժանքները հատկապես կենտրոնցած են անօդաչու թռչող սարքեր ոչնչացնելու վրա։
Զորավարժության ընթացքում առաջին անգամ օգտագործվել են ամբողջովին իրանական արտադրության և նոր սերնդի սարքավորումներ ու զինատեսակներ։
