Հայաստանի պատմության թանգարանի՝ հերոսների սրերի ցուցադրության հասույթը կտրամադվի բանակին
Զորավար Անդրանիկի և հայ ժողովրդի ազատագրմանը մասնակից բազմաթիվ հերոսների սրերը հոկտեմբերի 6-ից ցուցադրվում են Հայաստանի պատմության թանգարանում:
Թանգարանը նման ցուցադրություն է նախաձեռնել Հայկական բանակի հերոս զինվորների պատվին:
«Տարբեր ճակատամարտերում հաղթանակներ կերտած սրերը երիտասարդներին կփոխանցեն իրենց մեջ կուտակած ուժը, էլ ավելի կբարձրացնեն մեր բանակի ոգին և հաղթելու կամքը։ Պատվով հաղթանակը ծնում է ուժի իրավունքը, ահա թե ինչ է պատգամում Զորավար Անդրանիկի ադամանդակուռ սուրը մեր նորօրյա ազատամարտիկներին»,- ասվում է Պատմության թանգարանի մամուլի հաղորդագրության մեջ:
Ցուցահանդեսի տոմսերի ողջ հասույթը կփոխանցվի հայկական բանակին:
https://www.facebook.com/armgovernment/videos/352226532651958
