ՍԴ-ն վերսկսում է Ռոբերտ Քոչարյանի դիմումի քննությունը
Սահմանադրական դատարանն այսօր աշխատակարգային որոշում է ընդունել վերսկսել ՀՀ երկրորդ նախագահ Ռոբերտ Քոչարյանի դիմումների գործով կասեցված վարույթը։
Նիստի օրը նշանակվել է հուլիսի 7-ին։
Հիշեցնենք՝ Երևան քաղաքի առաջին ատյանի ընդհանուր իրավասության դատարանի և Ռոբերտ Քոչարյանի դիմումների հիման վրա քննության ընդունված գործով ՀՀ Սահմանադրական դատարանը 2019 թվականի հուլիսի 18-ին որոշեց կասեցնել վարույթը ու դիմել ՍԻԵԴ եւ Վենետիկի հանձնաժողով՝ խնդրահարույց հարցերի վերաբերյալ խորհրդատվական կարծիք ստանալու համար։ 2020 թվականի մայիսի 29-ին հրապարակվեց ՄԻԵԴ-ի, իսկ հունիսի 18-ին Վենետիկի հանձնաժողովի եզրակացությունը, հետեւապես կասեցման հիմքը վերացվել էր եւ այն ենթակա էր վերսկսման։
Նշենք, որ դիտարկվող գործով զեկուցող են նշանակվել ՍԴ բոլոր 7 դատավորները։
