«Ի՞նչ ստացանք՝ տասնյակ մահեր օրական՝ կորոնավիրուսից, հարյուրավոր հիվանդներ, տապալված տնտեսություն, փչացած հարաբերություններ գրեթե բոլոր գործընկերների և դաշնակիցների հետ»․ Աբովյան
«Եթե մեզ են այսպես վերաբերվում, վաղը ձեզ հետ են այսպես վերաբերվելու»,- քիչ առաջ ՀՀ ԱԱԾ շենքի մոտ ի աջակցություն ԲՀԿ առաջնորդ Գագիկ Ծառուկյանի շարունակվող ակցիայի ընթացքում ասաց ԲՀԿ խմբակցության պատգամավոր Արման Աբովյանը։
Արման Աբովյանն ասաց, որ իրենց պայքարը արդարության համար պայքար է, ամեն մեկի, ամեն քաղաքացու համար պայքար է։ «Եթե մեզ հետ են այսպես վերաբերվում, վաղը ձեզ են այսպես վերաբերվելու։ Արդեն վերաբերվել են։ Ես գիտեմ՝ ինչ դժվար է, երբ մարդ հիասթափվում է։ Խոսքը գնում է այն հիասթափության մասին, երբ մարդիկ երկու տարի առաջ դուրս եկան և սրանց բերեցին՝ հավատալով, բոլորս էլ հավատում էինք, ի՞նչ ստացանք, տասնյակ մահեր օրական՝ կորոնավիրուսից։ Հարյուրավոր հիվանդներ, տապալված տնտեսություն, փչացած հարաբերություններ գրեթե բոլոր գործընկերների և դաշնակիցների հետ»,- նշեց Արման Աբովյանը։
