«Հավանաբար Ալեն Սիմոնյանը որոշել է հայհոյանքի պատասխանը սամասուդի միջոցով տալ՝ դատարան դիմելու փոխարեն». Արսեն Բաբայան
Իրավապաշտպան Արսեն Բաբայանի համար «Ադեկվադ» միաբանության անդամ Արթուր Դանիելյանի նկատմամբ քրեական հետապնդում իրականացնելը կասկածելի պատճառներ ունի:
Այսօր Էրեբունի ԲԿ-ի մոտ հավաքված լրագրողներին ասաց իրավապաշտպան Արսեն Բաբայանը՝ անդրադառնալով ԱԺ փոխխոսնակի ու միաբանության ղեկավար Արթուր Դանիելյանի միջև տեղի ունեցած միջադեպին:
«Հավանաբար մենք գործ ունենք վարչապետ Փաշինյանի սամասուդ հասկացության հետ, և Ալեն Սիմոնյանը որոշել է հայհոյանքի պատասխանը սամասուդի միջոցով տալ, և դատարան դիմելու փոխարեն՝ որոշել է հարվածներ հասցնել: Իմ տեղեկություններով՝ այս պահին քրեական գործ հարուցված չէ, և եթե հարուցվի, ապա դրա շրջանակներում իրավապահ մարմինները կարող են դիմել Ազգային ժողովին՝ Ալեն Սիմոնյանի նկատմամբ քրեական հետապնդում իրականացնելու համար, եթե ԱԺ-ն տա համաձայնություն»,- ասաց Բաբայանը:
