Հայաստանը ռազմական ծախսերով ամենամեծ ՀՆԱ ունեցող երկրների տասնյակում է․ SIPRI
Օրերս Ստոկհոլմի Խաղաղության խնդիրների հետազոտության միջազգային ինստիտուտի՝ SIPRI-ի, հրապարակած զեկույցի համաձայն՝ 1988 թվականից սկսած աշխարհում ամենամեծ ռազմական ֆինասավորումը գրանցվել է 2019 թվականին և այն կազմել է 1.917 տրլն դոլար՝ 3,6 տոկոսով ավելին, քան 2018 թվականին և 7,2 տոկոսով ավելին, քան 2010 թվականին։
Զեկույցում նշվում է, որ 2019թ. աշխարհում ռազմական ծախսերը կազմել են համաշխարհային ՀՆԱ-ի 2.2 տոկոսը: Ինչպես նախորդ տարիներին, 2019 թվականին ևս Հայաստանը ընդգրկվել է աշխարհում այն 10 երկրների շարքում, որոնք ամենամեծ ռազմական բեռն ունեն ՀՆԱ-ի համեմատ, այսինքն՝ դիտարկված 149 երկրներից 10-ը ռազմական ծախսերի համար հատկացրել են ՀՆԱ-ի 4,0 տոկոսը կամ ավելին։ Տասնյակը, ըստ զեկույցի, գլխավորում է Օմանը, որը զինված ուժերի վրա ծախսում է ՀՆԱ-ի 8,8 տոկոսը, Սաուդյան Արաբիան՝ 8.0 տոկոս, Քուվեյթը՝ 5,6 տոկոս, Իսրայելը՝ 5,3 տոկոս, Հորդանանը՝ 4,7 տոկոս, և Լիբանանը՝ 4,2 տոկոս, որոնք մերձավորարևելյան երկրներ են, իսկ մյուս 4 երկրների ցանկում նաև Հայաստանն ու Ադրբեջանն են, Հայաստանը ՝ 4,9 տոկոսով, Ադրբեջանը՝ 4,0 տոկոսով։ Այս տասնյակում Հայաստանը՝ վեցերորդ, իսկ Ադրբեջանը՝ իններորդ տեղում են։
Հարկ է նշել, որ 2018 թվականի զեկույցի համաձայն՝ Հայաստանը ռազմական ծախսերի համար հատկացրել էր ՀՆԱ-ի 4.8 տոկոսը։
